Ц. Цэнгүүн
Software Engineer
About me
Намайг Цогбадрахын Цэнгүүн гэдэг. Би АНУ-ын Мичиганы Их Сургуульд компьютерийн шинжлэх ухааны чилэлээр магистр хамгаалсан бөгөөд сургуулиа төгсөөд дэлхийн технологийн топ “Google” компанид программ хангамжийн инженерээр ажиллаад 2 жил гаруй болсоны дараагаар өөрийгөө сорих зорилгоор өндөр өсөлттэй Physna гэдэг стартапад мөн адил программ хангамжийн инженерээр ажиллаж байна.
Ажлын гараагаа эхэлснээс хойш программистийн хувьд веб технологи болон алгоритмоор гүнзгийрч ажилласан бөгөөд Google-д ажиллаж байхдаа өөрийн гэсэн патент гаргаж байсан нь шинэ ажилтны хувьд гаргасан нилээд том амжилт байсан. Програм бичиж ур чадвараа байнга дээшлүүлэх нь миний хийх дуртай зүйлүүдийн нэг ба таны харж байгаа уг port.mn маань миний гарын бүтээл юм.
Үндсэн ажлынхаа хажуугаар мэдлэг хуваалцах ажил хийгээд нэгэнтээ 10 гаруй жил өнгөрчээ. Шавь нарын дундаас амжилттай карьер хийгээд явж байгаа залуус олон бий. Жишээлбэл Аmazon, Microsoft-д ажилд орсон хэд хэдэн залуус байна. Зарим нь Монголдоо буцаж ирээд эндээ IT-ийн компаниудад амжилттай ажиллаж байгаа.
Орчин үед хамгийн үнэ цэнтэй, эрэлттэй мэргэжилтнүүд технологийн салбарт ажиллаж байна. Програм хангамжийн мэргэжилд суралцсанаар Монголын томоохон компанид төдийгүй дэлхийн алдартай технологийн компанид ажиллах үүд хаалга таны өмнө нээгдэх болно. Монгол залуус олон улсын тавцанд үнэлэгдэж дэлхийн инновацын хөгжилд хувь нэмрээ оруулна гэдэгт итгэн уг платформ болон сургалтуудыг боловсруулсан билээ.
Монгол оюун ухааныг дэлхийд үнэлэгдэх хүртэл тууштай суралцаарай гэж эрхэм танд хүсье!
Ангийн 24/7 чат - Discord server
Миний хичээлүүд (10)
